Caosticako hordak,

Urte luzez ezinezko malabareak egin ditugu Caostica, Tracking Bilbao eta Gizazinea Film Labur eta Bideoklipen Nazioarteko Jaialdia bizirik mantentzeko. Eta “malabareak” diogunean, lorik egin gabeko gauei buruz ari gara, bazarreko kalkulagailuarekin egindako aurrekontuen inguruan, eta lau txanponekin ekitaldiak aurrera ateratzeko gizagaineko gaitasunari buruz, zinta amerikarrari buruz eta kaosaren fedearen inguruan ari gara.

Baina NeoBilbaon bizitzak gora egiten du: alokairuak, inprentak, bidaiak, hotelak eta birraren prezioak ere kuota lizunak hartzen dituzte… eta biltzen ditugun diru-laguntza apalak ez dira beti iristen. Urte batzuk daramatzagu deialdi batzuen “atarian” geratzen. Horien exijentzia maila gero eta altuagoa da, eta antolatzen ditugun jarduerek beren kabuz diru-sarrerak sortzea eskatzen digute.

Hori dela eta, gure leihotik behera jaurtitako organoak dosdemayo merkatuan saltzen amaitu aurretik… erabaki egin dugu, beste neurri batzuen artean, sarrera kobratzea Caostica Jaialdiaren jarduera batzuetan aurtengo ediziotik aurrera. Espero dugu gure publiko on eta leialaren laguntza eta konplizitatea izaten jarraituko dugula, antolatzen ditugun ekitaldiak kultura bitxi, aske eta dibertigarriz blaituz egiten jarraitu ahal izateko. Gure jarraitzaileak saritzeko eta leialtzeko sortu egin da...